VOV4.Bahnar  – Kơsơ̆ năr 19/7/2021, Thủ tướng teh đak bơ̆n Phạm Minh Chính hlôi pơma điê̆n thoăi hăm Kơdră teh đak Philipines Rodrigo Duterte ƀơ̆t tơbăt 45 xơnăm iung jang tơbôl Việt Nam-Philippines (12/7).

          Thủ tướng teh đak bơ̆n Phạm Minh Chính xơkơ̆t Philippines hơnơ̆ng jing teh đak jang kăp gĭt, lui ngeh, vang glơng lơ tơdrong tơrĕk păng pơyua hăm Việt Nam; ră hơdăh tơbôl kơ ƀar teh đak hơtŏk hơnơ̆ng lơ̆m 45 xơnăm kơ âu jô̆ đơ̆ng iung jang tơbôl. Ƀar ƀok kơdră drơ̆ng nơ̆r jang hadoi kơjăp hơtŏk tơbôl Việt Nam - Philippines lơ̆m lơ tơdrong jang, akŏm lơ̆m dôm tơdrong jang tơm nhen: tơlĕch jang đei jơnei Tơdrong tơlĕch jang đơ̆ng xơnăm 2019 - 2024, axong khul kơpal năm akŏm pơma dơnuh, hrôih tơlĕch dôm trong jang hadoi gơh rơgei; pơtoi tơlĕch dôm tơdrong jang tơbăt 45 xơnăm iung jang tơbôl; hơtŏk păng kơhret kơjăp hloh dơ̆ng tơdrong jang hadoi vei xơđơ̆ng tơpôl, tĕch pơdro, axong jang; pơm trong hiôk păng hơvơn dôm anih jang mŭk drăm kơ 2 teh đak axong jang, tĕch pơdro lơ̆m tơdrong jang mă ƀar đei mŭk drăm pran.

Lan chih păng pơre nơ̆r