VOV4.Bahnar – ‘Năr brei (4/6), tơ̆ Anih jang Khul Kơpal, Thủ tướng teh đak bơ̆n Phạm Minh Chính hlôi pơma điê̆n thoăi hăm Thủ tướng teh đak Cộng hòa nhân dân Trung Hoa Lý Khắc Cường.

Tơ̆ jơ pơma đam, ƀar Thủ tướng pơma dơnuh găh lơ tơdrong kăp gĭt, tơgop hơmet đon lui găh trong jang chĭnh trĭ; vang glơng dôm tơnaptap, tơdrong hiôk, tơdrong hlôh vao păng atŭm pơđăp hơtŏk tơbôl kơ ƀar teh đak lơ̆m khei năr truh.  Thủ tướng teh đak Cộng hòa nhân dân Trung Hoa Lý Khắc Cường thơ thâu hơ iă hăm Đảng Cộng sản Việt Nam pơgơ̆r đei jơnei ‘măng Hop akŏm 13 păng dôm tơdrong jang mă Việt Nam đei iŏk jơnei lơ̆m hơtŏk mŭk drăm – tơpôl, tơdrong jang tang găn păng tơjră pơrang jĭ Covid-19; xơkơ̆t Đảng, Anih jang Kơpal păng kon pơlei Trung Quốc lăng tơgĭt tơbôl hăm Việt Nam, kơchăng pơtoi hơtŏk tơbôl jang hadoi Việt Nam - Trung Quốc hơtŏk tơ iung pran, pơyua kăp gĭt ăn kon pơlei ƀar teh đak; ‘meh vă hơtŏk dôm tơdrong pơma đam tơring đak dơxĭ kơ ƀar teh đak hrôih đei jơnei tơnăp, kơchăng atŭm hăm Việt Nam păng dôm teh đak ASEAN pơtoi adrin đei jơnei pơkăp COC.

Lan chih păng pơre nơ̆r