VOV4.Bahnar - ‘Năr brei, 22/7, tơ̆ Anih jang kơ Khul kơ dră tĕh đak, Thủ tướng Phạm Minh Chính sơng ƀok Ben Wallace, Kơ dră tơm vei lăng khul linh tĕh đak Anh păng Bắc Ai-len oei hơ pong păng bơ̆ jang tơ̆ Việt Nam.

Thủ tướng Phạm Minh Chính sơng Kơ dră tơm vei lăng khul linh tĕh đak Anh

Tơ̆ jơ sơng, Thủ tướng Phạm Minh Chính ăn tơ băt, ‘măng năm hơ pong tơ ƀôh hơ dăh jơ hngâm đon ‘lơ̆ng đơ̆ng 2 păh vă hơ tŏk tơ drong pơ vei, jang hơ doi 2 păh đei yoa ngăl đơ̆ng Anih tơm vei lăng khul linh tĕh đak, khul linh păng kon pơ lei 2 tĕh đak, tơ gop pơm pơ ‘lơ̆ng hlŏh dơ̆ng tơ drong pơ vei jang hơ doi gĭt kăl Việt Nam-Anh.

Thủ tướng tĕh đak pơ ma hơ dăh păng athei Khul kơ dră tĕh đak Anh hơ nơ̆ng tơ gŭm, pơ truh vaccine ăn Việt Nam, pơ jing tơ drong ‘lơ̆ng vă Việt Nam jăh iŏk đei vaccine kiơ̆ hla ar đei kĭ pơ kăp đơ̆ng tơ drong jang Covax, sơng iŏk vaccine tang găn jĭ COVID-19 hrĕnh hlŏh, lơ hlŏh tơ dăh gơ̆h, kŭm nhen jăh pơ truh kơ măy kơ mŏk pơm vaccine tang găn COVID-19. 

Dơ̆ng: Tơ blơ̆