VOV4.Bahnar - Ƀlep lơ̆m Hop akŏm trư̆k tuyên Khŭl kơdră Đông Á (EAS) ‘măng mă 16, kơsơ̆ năr 27/10, Thủ tướng Tĕh đak Phạm Minh Chính hlôi đei pơma dơnŭh hăm rim Kơdră tang măt Tĕh đak, Bơngai tang măt rim tĕh đak vang năm hop akŏm EAS tơ̆ Hà Nội. Iung pơma tơ̆ jơ tơ ƀơ̆p, Thủ tướng Phạm Minh Chính sơkơ̆t hơdăh, Việt Nam jang kiơ̆ trong jang tơbôl kơ dĭh, lơ trong, lơ pang tơgoăt tơgoăl tơbôl; iung jang kơtang vang mơ̆t hơdoi lơ̆m apŭng plĕnh tĕh tôm tong, kơtang; jing boăl, jang sa hơdoi, lui ngêh dĭh băl kơ jăp păng tĕh đak jang hơdoi kơtang, iung jang ‘lơ̆ng ăn tơpôl apŭng plĕnh tĕh. Kiơ̆ đơ̆ng nŏh, Việt Nam hơnơ̆ng lăng kơ jăp pơtrŭt kơtang tơgoăt tơgoăl, jang hơdoi ‘lơ̆ng liĕm hăm rim tĕh đak, vang vei lăng kơ jăp rơngei hiôk hian, sơđơ̆ng dơ̆ng kơ jăp vă atŏk tơ iung, pơtrŭt kơtang jang hơdoi, tơgoăt jang atŭm păng vang mơ̆t hơdoi apŭng plĕnh tĕh kơ yuơ mĭnh apŭng plĕnh tĕh rơgŏh ‘lơ̆ng, atŏk tơ iung kơ jăp păng ‘lơ̆ng hơ iă.

Tơblơ̆ nơ̆r: Amazưt