VOV4.Bahnar - Pơ gê ‘năr 23/11/2021, tơ̆ Tokyo, Nhật Bản, lơ̆m ‘măng năm tơ mang mă blŭng tơ̆ teh đak Nhật Bản, Thủ tướng Phạm Minh Chính hlôi sơng Thủ tướng so teh đak Nhật Bản Suga Yoshihide, Tổng Thư ký so kơ Đảng kon pơ lei pơm tơm hiôk hian (LDP), Kơ dră Jơ nŭm Nghị sỹ tơ bôl Nhật - Việt Nikai Toshihiro păng dôm bơ ngai jang lơ̆m Jơ nŭm. Thủ tướng teh đak Phạm Minh Chính pơ ma hơ dăh Nhật Bản jĭ teh đak jang hơ dai gĭt kăl hloh kơ Việt Nam; tơ ƀôh đon chhôk hơ iă lăng ƀôh tơ drong pơ vei Jang hơ dai jrŭ să Việt - Nhật tŏk bŏk hơ nơ̆ng hơ tŏk tơ iung pran kơ tang, tôm tong lơ̆m đĭ đăng rim tơ drong jang hăm tơ drong lui ngeh chĭnh trĭ ‘lơ̆ng. Thủ tướng Phạm Minh Chính lăng ‘lơ̆ng dôm tơ drong vang tơ gop ‘lơ̆ng, đei yua đơ̆ng Thủ tướng so Suga păng Kơ dră Nikai kŭm nhen dôm bơ ngai jang lơ̆m Jơ nŭm Nghị sĩ tơ bôl Nhật - Việt lơ̆m tơ drong pơ trŭt tơ drong pơ vei jang hơ dai jrŭ să đơ̆ng 2 teh đak ưh kơ đei pơ dơh hơ tŏk tơ iung pran kơ tang păng đei yua lơ̆m rim tơ drong jang, pơ trŭt jang hơ dai mŭk drăm, mơ dro sa, tơ mơ̆t jên jang păng pơ ma dơ nuh đơ̆ng kon pơ lei; bơ nê kơ dôm tơ drong ‘mêm tơ bôl, tơ păt hăm teh đak păng kon pơ lei Việt Nam.

Thuem: Tơ blơ̆