VOV4.Bahnar - Lơ̆m hop akŏm COP26, Thủ tướng Phạm Minh Chính đei jơ tơ ƀâp Kơ dră tơm Mi Joe Biden, Kơ dră tơm Hàn Quốc Moon Jae In, Thủ tướng Thái Lan Prayud Chan-o-cha, sơng kơ dră chĕp kơ̆l Anih mong jên vei lăng cham char plei tĕh.

Thủ tướng Phạm Minh Chính tơ̆ Hop akŏm COP26

Lơ̆m jơ tơ ƀâp hăm Kơ dră tơm Mi Joe Biden, Thủ tướng Phạm Minh Chính tơ chĕng ‘lơ̆ng tơ drong Kơ dră tơm Biden hơ tŏk tơ drong pơ vei jang hơ doi hăm Việt Nam păng dôm teh đak Châu Á, pơ ma hơ dăh Việt Nam năng kăl tơ drong pơ vei hăm Mi păng hơ pơi ‘mĕh pơm hơ tŏk tơ drong pơ vei roi đunh roi đei yoa, roi ‘lơ̆ng, sơ đơ̆ng dơ̆ng kơ jăp.

Kơ dră tơm Biden tơ chĕng ‘lơ̆ng tơ drong vang bơ̆ jang tôch kơ chăng, ‘lơ̆ng păng nơ̆r pơ kăp tôch kơ jăp đơ̆ng Việt Nam tơ̆ Hop akŏm COP26. 2 ‘nu kơ dră chĕp kơ̆l drơ̆ng nơ̆r hơ tŏk tơ drong jang hơ doi gĭt kăl tôm tơ drong Việt – Mi tŏk ‘lơ̆ng hlŏh dơ̆ng, lơ̆m nŏh đei jang hơ doi găh jên hu, kơ măy kơ mŏk vă sek tơ lang dôm tơ drong găh tŏ ‘mi kial, mă loi pơm kiơ̆ ‘lơ̆ng dôm tơ drong pơ kăp lơ̆m Tơ drong drơ̆ng nơ̆r Paris, hôn bơ nê tơ drong vang jang đơ̆ng dôm công ty Mi lơ̆m dôm tơ drong jang atŏk tơ iung rơ gŏh, jang tŏk pran kơ jăp tơ̆ Việt Nam.

Dơ̆ng: Tơ blơ̆