VOV4.Bahnar - Pơ ma tơ̆ jơ tơ ƀơ̆p muh măt dôm bơ ngai jang mơ dro sa hơ gei ƀlep ƀơ̆t năr Bơ ngai jang mơ dro sa Việt Nam (13/10) pơ gơ̆r pơ gê ‘năr 12/10, Thủ tướng gơ̆ih nơ̆r hmach truh tơ pôl jang mơ dro sa, khŭl jang mơ dro sa Việt Nam hơ tŏk tơ iung roi ‘năr roi tih pran, hơ nơ̆ng tơ gop lơ hloh dơ̆ng lơ̆m tơ drong jang pơ jing teh đak Việt Nam pran kơ tang, hơ nŭk hơ noa păng ‘meh vă dôm bơ ngai jang mơ dro sa hơ nơ̆ng yak hơ dai hăm hơ drĕch hơ drŭng, hơ drin yak hloh, jơ nei jĭ hơ buh păng jơ nei lơ̆m tơ iung ming, hơ tŏk tơ iung mŭk drăm tơ pôl, hơ nơ̆ng chih tơ̆ jơ hnơr arih ang hơ dăh đơ̆ng bơ ngai jang mơ dro sa Việt Nam.

Thủ tướng tơ ƀơ̆p muh măt dôm bơ ngai jang mơ dro sa hơ gei

Thủ tướng Phạm Minh Chính mĭnh ‘măng dơ̆ng pơ ma hơ dăh hơ năp jang gĭt kăl đơ̆ng khŭl jang mơ dro sa, anih jang mơ dro sa lơ̆m kơ plăh hơ tŏk tơ iung teh đak. Đảng, teh đak ling lang bơ ngơ̆t truh păng lăng ‘lơ̆ng hơ năp jang đơ̆ng khŭl jang mơ dro sa păng tơ pôl jang mơ dro sa Việt Nam. Thủ tướng ‘mĕh vă tơ̆ hơ năp kơnh rim anih jang mơ dro hơ nơ̆ng yak hơ dai kŭm hăm Khŭl kơ dră teh đak yak hloh khei ‘năr mơ mat tat âu vă pơ jing teh đak Việt Nam hơ tŏkt ơ iung pran kơ tang, hơ nŭk hơ noa.

Thuem: Tơ blơ̆