VOV4.Bahnar - Kơ sơ̆ 14/12, tơ̆ Hà Nội, Thủ tướng Phạm Minh Chính vang truh akŏm lơ̆m tơ drong Tơ băt trong iung jang xa ‘nao gơ̆h hơ gei kơ tĕh đak păng giĕng tơ plih ‘nao rơ gei păng iung jang xa kơ plt Hồ Chí Minh (TECHFEST păng WHISE 2021) yoa Anih tơm jang khoa hŏk păng kơ măy kơ mŏk jang hơ doi hăm Anih tơm jang tơ bôl, Dơ nŏ anih vei lăng kon pơ lei plt Hồ Chí Minh, Anih vei lăng tĕch mơ dro păng jang kơ măy Việt Nam pơ gơ̆r kiơ̆ trong trư̆k tuyê̆n păng pơ gơ̆r kơ tă hăm 63 anih pơih pơ dăh tơ̆ dôm dêh char, plt păng vă jê̆ 20 tĕh đak lơ̆m apŭng plenh tĕh.

Tơ drong tơ băt trong iung jang xa ‘nao gơ̆h hơ gei kơ tĕh đak păng giĕng tơ plih ‘nao rơ gei păng iung jang xa kơ plt Hồ Chí Minh vă: tơ ƀôh đon tơ chĕng, pơih trong ăn dôm tơ drong pơ chĕh ‘nao, tơ guăt hơ dai lơ̆m tơ drong iung jang xa rơ gei kơ tĕh đak. TECHFEST 2021 tơ guăt kơ juăt kon bơ ngai Việt Nam, đon rơ gei Việt Nam păng tơ drong hơ pơi ‘mĕh Việt Nam. Pơ ma tơ̆ âu, Thủ tướng Phạm Minh Chính akhan, tơ plih ‘nao, rơ gei ‘nŏh jĭ tơ drong tôch kăl ăn tơ drong jang tŏk. Thủ tướng athei rim anih jang kơ pal pơ tôch tơ drong tơ plih ‘nao rơ gei vă đei kơ sô̆ chih jô̆, ƀai hŏk kăl ăn tơ drong tơ plih ‘nao rơ gei hrei ‘nâu păng ning mônh kơnh.

Dơ̆ng: Tơ blơ̆