VOV4.Bahnar - Pơ gê ‘năr 21/12, Anih tơm Tư pháp pơ gơ̆r Hop akŏm lơ̆m teh đak tơ lĕch jang tơ drong jang tư pháp sơ năm 2022 kiơ̆ trong trực tuyến tơ̆ 63 hơ nih pơ dăh ti vi rim dêh char, pơ lei tơm. Vang truh păng iung pơ ma tơ̆ hop akŏm, Thủ tướng teh đak Phạm Minh Chính tang măt Đảng, teh đak, lăng ‘lơ̆ng dôm tơ drong hơ drin, jang tơ năp đơ̆ng đĭ đăng anih jang tư pháp, anih jang khôi luơ̆t rim anih tơm, anih jang tư pháp tơ ring hlôi iŏk đei lơ jơ nei ‘lơ̆ng.

Thủ tướng Phạm Minh Chính pơ ma tơ̆ hop akŏm

Tơ̆ hơ năp kơnh, Thủ tướng athei kăl akŏm jên jang bơ̆ jang kiơ̆ 6 tơ drong jang tơm lơ̆m sơ năm 2022. Lơ̆m noh pơ ma hơ dăh hơ tŏk ‘lơ̆ng hlôh vao găh anih dơ̆ng, hơ năp jang, tơ drong gĭt kăl đơ̆ng tơ drong jang pơ jing păng pơm kiơ̆ khôi luơ̆t; jang kiơ̆ trong jang đơ̆ng Đảng, tơ drong yan âu vă tơ tĕnh jang kiơ̆ trong khôi luơ̆t đei ‘lơ̆ng, jơ nei, hơ met pơ ‘lơ̆ng mơ mat tat, tơ hlăk tơ hlĭn găh trong jang.  

Thuem: Tơ blơ̆