VOV4.Bahnar - Thủ tướng Phạm Minh Chính vang truh Hop akŏm tih Đông Á (EAS) ‘măng mă 16, kŭm hăm kơ dră chĕp kơ̆l dôm tĕh đak ASEAN păng dôm tĕh đak jang hơ doi đei Trung Quốc, Nhật Bản, Hàn Quốc, Australia, New Zealand, Ấn Độ, Nga, Mi păng Tổng Thư ký ASEAN.

Thủ tướng Phạm Minh Chính vang Hop akŏm tih Đông Á (EAS) mă 16

Pơ ma lơ̆m jơ hop akŏm, Thủ tướng Phạm Minh Chính pơ ma hơ dăh EAS kăl hơ tŏk hơ năp jang păng kơ jă kăp gĭt vă hơ tŏk tơ drong bơ̆ jang tơ păt ‘lơ̆ng, pơ ma nuh rơ hau, pơ jing đon lui, vang hơ met pơ ‘lơ̆ng dôm tơ drong ưh kơ lăp băl, vang tơ gŭm băl, tơ gop vei kơ jăp tơ drong rơ ngei, sơ đơ̆ng, jang hơ doi vang jang tŏk tơ̆ tơ ring păng lơ̆m apŭng plenh tĕh.

Thủ tướng athei dôm tĕh đak vang vei lăng dôm tơ drong tơ plih mă lăp, đei yoa, hơ tŏk tơ drong jang hơ doi lơ pang, đei trong jang ‘lơ̆ng vă tơ jră đei yoa hăm dôm tơ drong nol ‘nao đei, găn lê̆ tơ drong ưh sơ đơ̆ng păng tơ iung tơ drong jang tŏk kơ jăp ‘lơ̆ng, mă loi găh mŭk drăm, tơ pôl đơ̆ng rŏng kơ jĭ.

Dơ̆ng: Tơ blơ̆