VOV4.Bahnar - Pơ gê 23/5, tơ̆ anih tăh hla kơ sô̆ 18, phương Cái Khế, kuơ̆n Ninh Kiều, plt Cần Thơ, Thủ tướng Phạm Minh Chính kŭm hăm kơ dră chĕp kơ̆l plt Cần Thơ păng lơ bơ ngai tăh hla vang pơm lêh păng tăh kơ phĭu pôk rơih bơ ngai tang Kuôk hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring, đơ̆ng 2021-2026.

Thủ tướng Phạm Minh Chính

Kiơ̆ Thủ tướng tĕh đak – bơ ngai chĕp kơ̆l anih pơ gơ̆r jang kiơ̆ luơ̆t, tơ drong chă rơih dôm bơ ngai tang măt ăn anih jang tih hlŏh kơ tĕh đak đei bơ̆ jang kiơ̆ đơ̆ng bơ̆n pơ gơ̆r pôk rơih tơ păt ‘lơ̆ng, rơ đăh rơ đong, trŏ ƀlep, hơ tŏ băl vă rim bơ ngai tăh hla gơ̆h bơ̆ jang tơ drong jang păng hơ năp jang đơ̆ng kơ dih, chă rơih dôm bơ ngai tang măt tơ găl hlŏh mât jang tơ̆ anih chĕp kơ̆l pơ gơ̆r tơ̆ tơp ring păng anih chĕp kơ̆l tih hlŏh ‘nŏh jĭ Kuôk hô̆i jăl XV.

Adrol kơ pôk rơih, dôm bơ ngai tang măt păng bơ ngai tăh hla pơm kiơ̆ ‘lơ̆ng dôm trong jang tang găn jĭ COVID -19 nhen chih tơ roi găh jơ hngâm jăn, ôp ti hăm đak pơ gang pơ lôch pơ rang jĭ, gom muh măt, dơ̆ng hơ tăih băl.

Dơ̆ng: Tơ blơ̆