VOV4.Bahnar - Pơ gê 29/8, Thủ tướng Phạm Minh Chính, Kơ dră Anih pơ gơ̆r jang tang găn jĭ COVID-19 pơ gơ̆r hop akŏm trư̆k tuyê̆n Anih pơ gơ̆r jang tang găn jĭ COVID-19 hăm 20 dêh char, plt găh trung ương, 209 kuơ̆n, apŭng, thĭ xăh păng 1.060 xăh, phương, thĭ trơ̆n, vă bơ̆ jang kiơ̆ dôm Hla ar chih đơ̆ng Thủ tướng tĕh đak păng 1,2 trong jang tơm vă tang găn jĭ.

Hop akŏm trư̆k tuyê̆n Anih pơ gơ̆r jang kơ tĕh đak tang găn jĭ COVID-19

Pơ ma pơ tôch hop akŏm, Thủ tướng Phạm Minh Chính pơ ma hơ dăh, tơ drong tơm kăl hlŏh dang ei ‘nŏh găn đei tơ drong jĭ roi hrôih roi ‘lơ̆ng kiơ̆ tơ drong tơ chơ̆t 86 đơ̆ng Khul kơ dră tĕh đak. Dêh char yơ jang tam đei tơ drong tơ chơ̆t, athei chă hơ len năng, tơ bral kơ dih, tơ blang kơ lih yoa kiơ, hăm sĭ yoa đơ̆ng đon ưh kơ chăng đơ̆ng khul grŭp, rim bơ ngai ưh, vă đơ̆ng noh chih iŏk tơ drong kăl lơ̆m tơ drong chĕp kơ̆l pơ gơ̆r. Thủ tướng akhan, bơ̆n chu hŭt hơ chăng ƀiơ̆ mŭk drăm lơ̆m khei ‘năr pơ vang găn, bơ̆ jang mă ‘lơ̆ng tơ drong ưh gơ̆h lĕch đơ̆ng hnam, bu tơ̆ yơ oei kơ tă tơ̆ noh vă gơ̆h tang găn đei jĭ.

Dơ̆ng: Tơ blơ̆