VOV4.Bahnar - Pơ gê ‘năr 16/9, tơ̆ anih jang kơ Khŭl kơ dră teh đak, Thủ tướng teh đak Phạm Minh Chính pơ gơ̆r, vei lăng Hop akŏm kơ Khŭl kơ dră teh đak găh tơ drong pơ jing păng hơ met pơ keh trong chĕp kơ̆l pơ gơ̆r. Hop akŏm đei pơ gơ̆r kiơ̆ trong trực tuyến đơ̆ng anih jang kơ Khŭl kơ dră teh đak hăm 63 dêh char, pơ lei tơm lơ̆m teh đak. Pơ ma pơ gơ̆r blŭng hop akŏm, Thủ tướng Phạm Minh Chính tơ băt, lăp đơ̆ng rŏng kơ rơ̆ih tôm khŭl kơ dră teh đak jăl jang 2021-2026, Khŭl kơ dră teh đak, Thủ tướng teh đak hlôi athei rim anih jang, rim kơ dră pơ tơm bơ̆ jang hloi lơ̆m pơ jing păng hơ met pơ keh trong chĕp kơ̆l pơ gơ̆r, lơ̆m noh bơ ngai chĕp kơ̆l pŭ hơ năp jang  kơ tă pơ gơ̆r, hơ len lăng tơ drong jang pơ jing, hơ met pơ keh trong jang chĕp kơ̆l pơ gơ̆r.

Hop akŏm kơ Khŭl kơ dră teh đak găh tơ drong jang pơ jing păng hơ met pơ keh trong jang chĕp kơ̆l pơ gơ̆r

Thủ tướng athei, rim anih tơm, anih jang, tơ ring ‘măn jơ năr dăr hơ len dơ̆ng, hơ len lăng dơ̆ng dôm tơ drong kiơ oei tơ hlăk, dôm tơ drong kiơ kăl vă tơ roi tơ băt. Thủ tướng tơ roi hơ dăh, ‘nâu jĭ tơ drong tôch kơ gĭt kăl, kăl kơ drơ̆ng 1 nơ̆r hơ len lăng tơ drong tơm, hơ năp jang, athei, hơ len lăng tơ drong tam mă ‘lơ̆ng, tơ chă tơ drong tơm pơm ăn, mă loi ‘noh jĭ tơ drong tơưm pơm pơ hơi vă hơ met pơ ‘lơ̆ng.

Thuem: Tơ blơ̆