VOV4.Bahnar - Pơ gê (17/8), Thủ tướng Phạm Minh Chính pơ gơ̆r hop akŏm Khul kơ dră tĕh đak găh tơ drong chih pơ jing luơ̆t khei 8 sơ năm 2021. Pơ ma lơ̆m hop akŏm, Thủ tướng Phạm Minh Chính akhan, bơ̆ jang kiơ̆ tơ drong Tơ chơ̆t đơ̆ng Hop akŏm mă XIII kơ Đảng, tơ drong jang đơ̆ng Khul kơ dră tĕh đak, tơ drong jang lơ̆m 6 khei, akŏm jơ hngâm bơ̆ jang 3 tơ drong jang tŏk, 6 tơ drong jang tơm, 12 tơ drong jang gĭt kăl lơ̆m jăl jang ‘nâu, lơ̆m nŏh đei chih pơ jing trong chĕp kơ̆l pơ gơ̆r.

Thủ tướng athei, dôm ƀok Kơ dră tơ iung tôch ai đon tơ năp yoa kon pơ lei, yoa tĕh đak, akŏm jơ hngâm chĕp kơ̆l pơ gơ̆r rim tơ drong jang, akŏm chih pơ jing trong pơ gơ̆r, bơ̆ jang 3 tơ drong jang tŏk. Ƀât yơ oei tơ hlăk ‘nŏh athei hơ len năng, sek tơ lang kiơ̆ tơ drong hơ găt đơ̆ng Đảng, tĕh đak. Mưh hlôi đei drơ̆ng nơ̆r ‘nŏh bơ̆ jang mă ‘lơ̆ng kiơ̆ lơ tŏ sĕt bơ ngai drơ̆ng kiơ̆ lơ bơ ngai, 1 ‘nu pơ vih ăn tơ pôl, bơ ngai jang iĕ yom kơ bơ ngai jang tih. Roi mơ mat tat roi mât 1 ƀơ̆r đon. Tơ̆ yơ, kơ plăh yơ kŭm athei tơ guăt ƀơ̆r đon, bơ ngai chĕp kơ̆l chĭu pŭ hơ drol. Tơ drong kăl ‘nŏh bơ̆n athei vang jang mĭnh jơ hngâm, tơ guăt ƀơ̆r đon, drơ̆ng pôm nơ̆r.

Dơ̆ng: Tơ blơ̆