VOV4.Bahnar - Pơ gê 15/4, tơ̆ Anih jang kơ Khul kơ dră tĕh đak, Thủ tướng Phạm Minh Chính pơ gơ̆r hop akŏm ‘măng Khul kơ dră tĕh đak ‘măng mă blŭng đơ̆ng rŏng đei rơih hơ met tôm bơ ngai jang lơ̆m Hop akŏm mă 11 Quốc hội jăl 14 vă pơ ma nuh găh trong pơ jao tơ drong jang đơ̆ng rŏng Khul kơ dră kơ dră tĕh đak đei rơih hơ met tôm bơ ngai jang, trong vă chĕp kơ̆l pơ gơ̆r păng 1,2 tơ drong tơm kăl pơ gơ̆r bơ̆ jang, tơ lĕch jang đơ̆ng Khul kơ dră tĕh đak lơ̆m khei ‘năr truh.

Thủ tướng tĕh đak Phạm Minh Chính

Pơ ma ƀât blŭng hop akŏm, Thủ tướng Phạm Minh Chính akhan, ‘nâu jĭ hop akŏm mă blŭng đơ̆ng Khul kơ dră tĕh đak đơ̆ng rŏng đei rơih hơ met tôm bơ ngai jang, kơ na tôch gĭt kăl. Thủ tướng Phạm Minh Chính pơ ma hơ dăh đon tơ chĕng đơ̆ng Khul kơ dră tĕh đak đơ̆ng rŏng đei hơ met tôm bơ ngai jang athei jăh pơ gơ̆r bơ̆ jang hloi; akŏm jơ hngâm sek tơ lang dôm tơ drong oei tơ hlăk kiơ̆ đon jang mă tơ tĕnh, tơ lĕch đei lơ trong jang mă rơ đăh, đei yoa vă jăh bơ̆ jang hloi tơ̆ rim anih jang, tơ drong jang.

Dơ̆ng: Tơ blơ̆