VOV4.Bahnar - Kơ sơ\ brei (14/10), tơ\ Hà Nội, Thủ tướng Nguyễn Xuân Phúc pơ gơ\r Hop ako\m trư\k tuye#n lơ\m te\h đak pơ tôch 15 sơ năm bơ\ jang Tơ drong Tơ chơ\t Trung ương 5 jăl IX găh hơ nơ\ng tơ plih ‘nao, ato\k tơ iung păng pơm hơ to\k tơ drong đei yoa đơ\ng mu\k drăm atu\m.

Thủ tướng Nguyễn Xuân Phúc pơ gơ\r Hop ako\m

Găh tơ drong jang kiơ\ tơ drong Tơ chơ\t, Thủ tướng akhan, đon hlôh vao găh dôm trong jang ato\k tơ iung mu\k drăm atu\m đei tơ plih ‘lơ\ng tơ\ jơ\p tơ ring, rim an^h jang păng lơ\m tơ pôl. Mu\k drăm atu\m, hơp tak xăh ku\m hăm an^h te\ch mơ dro pơ jing đei um ai tơ ring tơ rang ‘nao, ato\k tơ iung mu\k drăm đơ\ng choh jang xa, tơ ring tơ rang, tơ jur tơ nuh hin kơ jăp, vei sơ đơ\ng tơ pôl.

Tơ drong jang tôch rơ đăh tơ\ hơ năp kơnh, Thủ tướng athei rim an^h jang đảng, khul kơ dră pơ gơ\r io\k che\p kơ\l pơ gơ\r păng năng ‘nâu j^ tơ drong jang chinh tr^ tơm athei bơ\ jang mă ‘lơ\ng. Te\h đak đei tơ drong jang tôch g^t kăl lơ\m tơ drong ato\k tơ iung mu\k drăm atu\m kiơ\ đơ\ng chih pơ jing luơ\t, tơ le\ch dôm tơ drong tơ gu\m, pơm ‘lơ\ng vă bơ\ jang dôm tơ drong jang mu\k drăm, chinh tr^ păng tơ pôl.

Dơ\ng: Tơ blơ\