VOV4.Bahnar - Tơ̆ hơ năp tơ drong jĭ COVID-19 oei tơ pŏh tôch krê hơ mơt tơ̆ plt Hồ Chí Minh păng dôm dêh char găh Pơ băh, pơ gê (15/7) Thủ tướng Phạm Minh Chính pơ gơ̆r hop akŏm trư̆k tuyê̆n Khul kơ dră chĕp kơ̆l tĕh đak păng 27 tơ ring găh Pơ băh vă pơ ma găh tơ drong tang găn jĭ COVID-19.

Tơ̆ jơ hop akŏm, Thủ tướng tĕh đak athei dôm bơ ngai tang măt pơ ma nuh mă hơ len găh tơ drong jĭ COVID-19 hrei ‘nâu păng tơ dra hơ drol tơ̆ hơ năp kơnh; dôm tơ drong jang đei, tơ drong tam mă ‘lơ̆ng mă bơ̆ jang khei ‘năr âu ki, yoa kiơ; athei chih răk dôm tơ drong kăl, tơ lĕch nơ̆r pơ ma athei mă lăp, đei lơ trong jang ‘lơ̆ng vă bơ̆ jang tơ̆ hơ năp kơnh, mă loi ‘nŏh găh tơ drong chĕp kơ̆l pơ gơ̆r, vang jang hơ doi đơ̆ng dôm anih jang kơ pal, tơ ring tơ rang vă tang găn jĭ COVID-19 đei yoa ƀiơ̆, athei năng jơ hngâm pran kon pơ lei ‘nŏh jĭ tơ drong kăl hlŏh.

Dơ̆ng: Tơ blơ̆