VOV4.Bahnar - Kơ sơ̆ ‘năr (30/11), tơ̆ Anih jang kơ Khŭl kơ dră teh đak Thủ tướng Phạm Minh Chính Kơ dră Anih jang vei lăng teh đak găh tơ plih kơ sô̆ pơ gơ̆r ‘Măng hop akŏm mă mônh kơ Anih jang vei lăng teh đak găh tơ plih kơ sô̆. Tơ̆ ‘măng hop akŏm, Thủ tướng teh đak Phạm Minh Chính pơ ma hơ dăh, Trong jang kiơ̆ hơ năp jang tơ plih kơ sô̆ kơ teh đak đei pơ jing lơ̆m 3 tơ drong tơm: Khŭl kơ dră teh đak kơ sô̆, mŭk drăm kơ sô̆, tơ pôl kơ sô̆ hlôi đei băt hơ dăh lơ̆m Tơ drong tơ chơ̆t Hop akŏm XIII kơ Đảng. Khŭl kơ dră teh đak, Thủ tướng teh đak ling lang băt hơ dăh pơ jing Khŭl kơ dră teh đak kơ sô̆ ‘noh jĭ 1 lơ̆m dôm hơ năp jang gĭt kăl hloh. ‘Nâu kŭm jing trong jang kăl, hơ tŏk ‘lơ̆ng tơ drong tơ păt, rơ đăh, tơ roi tơ ƀlang đơ̆ng khŭl kơ dră teh đak, tang găn sa pơ jĭp, brăh brư; tơ gop pơ trŭt hơ tŏk tơ iung mŭk drăm - tơ pôl, hơ met ming ‘lơ̆ng hơ nih tĕch mơ dro, hơ tŏk ‘lơ̆ng tơ drong kĕ pơ jei, iŏk yua bơ ngai jang tơ pôl păng jing trong trŏ ƀlep vă hơ tŏk tơ iung teh đak Việt Nam.

Thuem: Tơ blơ̆