VOV4.Bahnar – Anih jang kơ Khul kơpal teh đak 'nao đei hla bar pơtruh pơgơ̆r đơ̆ng Thủ tướng teh đak Phạm Minh Chính găh tơdrong hơlen tang găn tơplih yŏng 'nao Omicron đơ̆ng virus SARS-CoV-2 tŏk bŏk tơpoh tenh hloh tơ̆ lơ teh đak lơ̆m kơpal teh. Vă kơchăng tang găn păng tơjră pơrang jĭ, Thủ tướng teh đak Phạm Minh Chính pơkăl Anih tơm Y tê̆ kơchăng băt hơdăh tơdrong tơplih yŏng 'nao Omicron pơm đei; hơnơ̆ng pơma đam hăm Anih jang Y tê̆ Apŭng plenh teh vă chih akŏm kơtơ̆ng ang tơtom, hơdăh găh yŏng tơplih âu, kiơ̆ đơ̆ng noh tơlĕch dôm trong jang vă tang găn păng tơjră tơtom, trŏ ƀlep hăm tơdrong hơbuh pơrang jĭ. Anih tơm Y tê̆, Anih tơm jang Tơbôl, Anih tơm trong nơnăm, Anih tơm Kŏng ang, Anih tơm linh păng dôm anih tơm nai kiơ̆ xơnong jang đei pơjao dôm anih jang kơpal hơtŏk hơlen bơngai mơ̆t lĕch tơ̆ teh đak hlôi ƀôh băt tơplih yŏng 'nao Omicron mơ̆t truh Việt Nam vă tang găn tơdrong tơpoh đơ̆ng tơplih yŏng âu truh teh đak bơ̆n.

Lan chih păng pơre nơ̆r