VOV4.Bahnar – Kơsơ̆ năr (17/05), tơ̆ anih jang Khul kơpal teh đak, Thủ tướng teh đak bơ̆n Phạm Minh Chính hlôi pơgơ̆r tơdrong hop akŏm kơ Khul kơpal găh tơdrong jang tang găn păng tơjră jĭ Covid-19; vă tơlĕch dôm tơdrong tơchơ̆t tơtom găh tơdrong tĕch răt, pơm tơlĕch vaccine păng axong bơngai jang. Dang ei pơrang jĭ duh oei hơbuh hli hlơt, mă hăt noh tơ̆ dôm tơdrong hơbuh pơrang jĭ tơ̆ dêh char Bắc Giang păng Bắc Ninh – tơring akŏm lơ anih jang kŏng ngĭp, kơdrâ̆m bơngai jang păng lơ bơngai ƀơm jĭ. Thủ tướng Phạm Minh Chính ră hơdăh, tơchơ̆t duh oei jang ƀar tơdrong jang hadoi “tang găn păng tơjră răh pơrang jĭ, hơtŏk tơ iung răh mŭk drăm tơpôl”, vei xơđơ̆ng ăn tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang 2021-2026; pơtôch 'lơ̆ng rŏ xơnăm hŏk 2021; iŏk tơdrong vei lăng jơhngơ̆m jăn kon pơlei noh kơpal hloh.

Lan chih păng pơre nơ̆r