VOV4.Bahnar  – Kơsơ̆ năr 17/11, tang măt ăn Khul Kơpal Đảng, teh đak, Thủ tướng teh đak bơ̆n Phạm Minh Chính hlôi truh apong păng pôk Mêđai 60 xơnăm jang Đảng ăn kơ ƀok Vũ Khoan, xơ̆ jang Ƀĭ thư Trung ương Đảng, jang Phŏ Thủ tướng teh đak, tơ̆ hnam kơdih ƀok. 

Thủ tướng Phạm Minh Chính ră hơdăh, âu jing tơmam hơpăh kăp gĭt đơ̆ng Đảng hăm tơdrong plang tih tên mă ƀok Vũ Khoan hlôi tơgop ăn tơdrong jang kăch mạng kơ Đảng păng kon pơlei. Thủ tướng Phạm Minh Chính ră hơdăh, ƀok Vũ Khoan duh jing bơngai yuk hơlâu, chơng 'nhăk lơ hnưr kang ƀô̆ vơ̆ pran, đei lơ tơgop lơ̆m tơdrong chă hơlen chih akŏm nơ̆r pơma xa, păng pơtho pơhrăm... Ƀok Phŏ Thủ tướng xo xơ̆ Vũ Khoan chơt hơ iă đei xơng iŏk Mêđai 60 xơnăm jang Đảng; hmach bơnê kơ tơdrong tơrĕk đơ̆ng Jơnŭm pơgơ̆r Đảng, teh đak păng kơdih po ƀok Thủ tướng teh đak.

Lan chih păng pơre nơ̆r