VOV4.Bahnar - Tơ̆ hop akŏm mă 1, Kuô̆k hô̆i jăl XV, pơ gê 22/7, Thủ tướng Phạm Minh Chính pơ re hla ar athei Kuô̆k hô̆i vei kơ jăp anih jang lơ̆m Khul kơ dră tĕh đak đei 22 anih jang nhen jăl jang 2016-2021 đei: 18 anih tơm păng 4 anih dang ăi hăm anih tơm.

Thủ tướng Phạm Minh Chính pơ re hla ar tơ roi tơ̆ hơ năp Kuô̆k hô̆i

Mă hơ dăh anih jang lơ̆m Khul kơ dră tĕh đak đei Anih tơm vei lăng khul linh tĕh đak, Anih tơm vei lăng Công an, Anih tơm jang tơ bôl, Anih tơm jang Nội vụ, Anih tơm jang Tư phap, Anih tơm tơ lĕch nơ̆r sơ kơ̆t, tơ mât jên jang, Anih tơm vei lăng jên hu, Anih tơm vei lăng jang kơ măy, tĕch mơ dro, Anih tơm vei lăng choh jang xa păng atŏk tơ iung tơ ring tơ rang, Anih tơm vei lăng trong nơ năm, Anih tơm ming man, Anih tơm vei lăng tơ mam drăm păng cham char, Anih tơm vei lăng tơ roi tơ băt, Anih tơm vei lăng tơ drong jang xa, linh jĭ rơ ka păng tơ pôl, Anih tơm vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng, Anih tơm jang Khoa hŏk păng kơ măy ‘nao, Anih tơm vei lăng pơ tho pơ hrăm, Anih tơm vei lăng jang pơ gang. Dôm anih jang dang ăi hăm anih tơm đei: Anih vei lăng hơ drĕch kon kông, Anih mong jên tĕh đak Việt Nam, Anih dăr hơ len kơ Khul kơ dră tĕh đak păng Anih jang kơ Khul kơ dră tĕh đak.

Dơ̆ng: Tơ blơ̆