VOV4.Bahnar - Kơ sơ\ brei (6/3), tơ\ an^h jang kơ Khul kơ dră te\h đak, Thủ tướng Nguyễn Xuân Phúc sơng [ok Tao Hui, Kơ dră che\p kơ\l Texhong Việt Nam, 1 lơ\m dôm gru\p jang chơ cho\h hơ băn ao tih kơ Trung Quốc.

Thủ tướng Nguyễn Xuân Phúc sơng [ok Tao Hui, Kơ dră che\p kơ\l Texhong Việt Nam

Thủ tướng Nguyễn Xuân Phúc ăn tơ băt, lơ\m dôm ‘măng tơ [âp đơ\ng Thủ tướng hăm dôm kơ dră che\p kơ\l Trung Quốc, 2 păh adoi pơ ma truh Texhong, 1 an^h jang xa rơ gei, đei đon lui kơ jăp vă an^h te\ch mơ dro Trung Quốc tơ\ Việt Nam jang kiơ\. Tơ drong tơ re\k đơ\ng Thủ tướng, dôm an^h jang kơ pal, tơ ring tơ rang hăm an^h te\ch mơ dro pơ jing đei jơ hngâm pran păng đon lui vă gru\p jang pơih xă tơ drong tơ mât jên jang tơ\ Việt Nam, tơ che\ng adrol gô đei dơ\ng 500 triu USD jên jang lơ\m sơ năm 2020.

Tơ\ hơ năp kơnh, Kơ dră che\p kơ\l Texhong hơ pơi ‘me\h Khul kơ dră te\h đak păng dôm an^h jang kơ pal, tơ ring tơ rang, mă loi j^ dêh char Quảng Ninh hơ nơ\ng pơ jing tơ drong ‘lơ\ng, hơ to\k tơ drong pơm hla ar ăn tơ mam mât le\ch, te\ch mơ dro păng pơ jing tơ drong  ‘lơ\ng ăn 1,2 ‘nu bơ ngai juăt jang, kăn [o# vei lăng kơ Texhong gơ\h bơ\ jang hiôk hian tơ\ Việt Nam.

Dơ\ng: Tơ blơ\