VOV4.Bahnar  – Xơng io\k nơ\r hơvơn đơ\ng Thủ tướng teh đak bơ\n Nguyễn Xuân Phúc, Thủ tướng teh đak Armenia Nikol Pashinyan păng hơkăn [ok gô năm apong teh đak Việt Nam đơ\ng ‘năr âu năr 4/7 truh năr 7/7.

Jo# đơ\ng khei năr [ar teh đak iung tơbôl ăh xơnăm 1992, Việt Nam - Armenia hlôi pơtoi păng hơto\k tơbôl ch^nh tr^ ‘lơ\ng ro\. Teh đak Armenia hlôi ‘măn ăn kon pơlei Việt Nam tơdrong tơgu\m kăp g^t lơ\m tơdrong tơ iung pơjing păng vei lăng teh đak. ‘Măng năm apong Việt Nam đơ\ng Thủ tướng Armenia ‘măng mă âu vă hơto\k tơbôl juăt jue ‘lơ\ng ro\ păng jang hadoi đơ\ng Việt Nam - Armenia, mă hăt noh lơ\m tơdrong jang mă [ar păh pran, pơyua ăn dih băl; pơma đam minh [ar tơdrong đei [ôh lơ\m kơpal teh, lơ\m tơring mă [ar păh tơre\k truh. ‘Măng năm apong duh xơkơ\t, Việt Nam lăng pơg^t păng ‘meh vă hơto\k tơbôl juăt jue, jang hadoi ‘lơ\ng ro\ hăm  Armenia.

Lan chih păng rapor