VOV4.Bahnar - Anih jang Khŭl kơ dră teh đak ‘nao tơ roi tơ băt pơ tôch đơ̆ng Thủ tướng teh đak Phạm Minh Chính (kơ sô̆ 133 ‘năr 29/5/2021) tơ̆ ‘măng hop akŏm găh tơ drong, pơ tôch tơ drong jang păng rim tơ drong oei đei kăl kơ akŏm pơ gơ̆r đơ̆ng Anih tơm vei lăng găh kơ măy kơ mŏk mơ dro sa. Lơ̆m rim tơ drong  kăl đei tơ drong jang ŭnh điên. Kiơ̆ kơ ‘noh Thủ tướng teh đak pơ jao kơ Phó thủ tướng Lê Văn Thành akŏm pơ gơ̆r, dăr hơ len tơ drong tơm Hla ar chih tơ proh tơ drong jang ŭnh điên 8 vei sơ đơ̆ng lăp hăm yan âu, tơ lĕch tơ drong đei yua ăn teh đak păng hơ drĕch hơ drŭng kăl hloh, mă loi ‘noh lăng kăl truh tơ jră tơ drong ư̆h kơ ‘lơ̆ng lơ̆m pơ jing tơ drong jang tơ gŭm,bu pơm glăi athei sek phak kơ hret kiơ̆ tơ drong hơ găt đơ̆ng Đảng păng trong jang tơ gŭm khôi luơ̆t đơ̆ng teh đak. Lơ̆m noh kăl kơ lăng truh tơ chĕng hơ len tơ blang hơ dăh găh kơ jă ŭnh điên; Tơ drong pơm hơ tŏ găh hơ met ming rim tơ drong jang ŭnh điên păng vei sơ đơ̆ng tơ drong lăp đơ̆ng rim tơ ring veh ver lê̆ brăh brư jên tơ pôl.

Thuem: Tơ blơ̆