VOV4.Bahnar - Thủ tướng teh đak ‘nao tơ lĕch ăn Tơ drong tơ chơ̆t kơ sô̆ 13/CT-TTg găh tŭn hrĕnh tơ drong jang păng hơ tŏk ‘lơ̆ng pơ jing Trong tơ lĕch jang tơ mơ̆t jên jang teh đak păh lăp khei ‘năr 2021-2025. Thủ tướng teh đak athei rim Kơ dră tơm, kơ dră rim anih jang hơ tŏ Anih tơm, anih jang găh Khŭl kơ dră teh đak, rim anih jang nai tơ̆ Trung ương, rim khŭl jang chĭnh trĭ – tơ pôl; athei rim Bí thư Đảng dêh char, pơ lei tơm păng athei rim Kơ dră Anih vei lăng kon pơ lei rim dêh char, pơ lei tơm găh trung ương akŏm athei pơm kiơ̆ hrơ̆ch 1 ‘măng, kơ tang rim tơ drong tơm tơ̆ hơ la âu: jang kiơ̆ păng pơm hơ dăh rim tơ drong tơ chĕng, tơ drong hơ găt, hơ năp jang, trong jang, 3 tơ drong ‘lơ̆ng tơ roi tơ̆ Tơ drong jang hơ tŏk tơ iung mŭk drăm – tơ pôl 10 sơ năm 2021 - 2030, trong vă jang hơ tŏk tơ iung mŭk drăm – tơ pôl 5 sơ năm 2021 - 2025 hlôi đei Hop akŏm ‘măng mă 13 kơ Đảng pơ drơ̆ng kiơ̆. Tơ mơ̆t jên jang đei tơ drong tơm lơ̆m rim anih jang, tơ drong jang tơm dơ nơm, rim tơ ring tưk tơ iung, tŏk lơ, rim tơ drong jang tih, gĭt kăl kơ teh đak, tơ drong jang tih, tơ klep hơ dai tơ ring, rim tơ drong jang gĭt kăl, kăl kơ tơ ring vă hơ tŏk iŏk yua jên tơ mơ̆t jang teh đak.

Thuem: Tơ blơ̆