VOV4.Bahnar  – Thủ tươ̆ng teh đak bơ̆n Phạm Minh Chính 'nao bơ̆ jang hăm Anih tơm Tơbôl găh tơdrong jang kiơ̆ Tơchơ̆t Hop akŏm 'măng mă 13 kơ Đảng. Đơ̆ng rŏng kơ mơ̆ng dôm nơ̆r tơgop, Thủ tướng Phạm Minh Chính pôk bơnê kơ Anih jang tơbôl hlôi chĕp vei tơdrong juăt jue tơgăl kơ pôk bơnê kơ anih jang, tơlĕch jang đei jơnei trong pơkăp jang tơbôl đơ̆ng Đảng, hơnơ̆ng pơkăp tơdrong pơyua ăn teh đak, ăn kon pơlei noh adrol hloh.

Thủ tướng pơkăl Anih tơm jang Tơbôl kăl chĕp vei kơjăp dôm tơdrong đei jơnei, pơgơ̆r jang keh kong trong jang tơbôl, rơngei hiôk hian, tơbôl, jang hadoi păng hơtŏk tơ iung, jang lơ tơdrong mă kiơ̆ Tơchơ̆t Hop akŏm mă 13 kơ Đảng hlôi tơlĕch, vei xơđơ̆ng pơyua ăn teh đak păng kon pơlei. Lơ̆m khei năr dang ei, Thủ tướng Phạm Minh Chính pơgơ̆r Anih tơm jang Tơbôl hơtŏk pran xơnong yuk trong hơlâu lơ̆m jang tơbôl vă vei xơđơ̆ng tơdrong rơngei xơđơ̆ng; hơvơn dôm tơdrong pran vă hơtŏk tơ iung, tơgop hơtŏka nih dơ̆ng păng đon lui kơ teh đak.  

Lan chih păng pơre nơ̆r