VOV4.Bahnar – Kơsơ̆ năr 14/6/2021, Thủ tướng teh đak bơ̆n Phạm Minh Chính hlôi pơma điê̆n thoăi hăm Thủ tướng teh đak Phlăng Jean Castex. Lơ̆m pơma đam, Thủ tướng Phạm Minh Chính bơnê kơ dôm tơdrong hơtŏk 'lơ̆ng rŏ lơ̆m tơbôl Việt Nam – Phlăng lơ̆m khei năr âu ki, xơkơ̆t Phlăng jing minh lơ̆m dôm teh đak jang kăp gĭt kơ Việt Nam tơ̆ Châu Âu păng 'meh vă hơtŏk kơjăp hloh tơbôl jang juăt jue, lui ngeh păng jang hadoi kơ ƀar teh đak. Ƀar ƀok kơdră drơ̆ng nơ̆r atŭm băl tơroi găh tơdrong hlôh vao lơ̆m tang găn păng tơjră pơrang jĭ. Thủ tướng teh đak Phlăng xơkơ̆t, tơgŭm Việt Nam lơ̆m tơdrong axong vaccine. Găh jang hadoi mŭk drăm ƀar păh, ƀar ƀok kơdră hlôi tơlĕch lơ trong jang hơdăh vă hơtŏk tơbôl ƀar teh đak; drơ̆ng nơ̆r jang hadoi kơjăp, adrin tơlĕch jang đei jơnei Tơchơ̆t EVFTA păng dăh hrôih keh đang kĭ pơkăp EVIPA; pơm trong hiôk ăn tơdrong tĕch tơmam drăm choh pơtăm đơ̆ng Việt Nam ăn teh đak Phlăng, mă hăt noh plei 'long xa tŏk bŏk oei đei pĕ yua kơ teh đak Việt Nam dang ei.

Lan chih păng pơre nơ̆r