VOV4.Bahnar - Thủ tướng teh đak hlôi tơ lĕch tơ drong tơ chơ̆t găh kĭ ăn Tơ drong jang hơ tŏk tơ iung mơ dro sa tơ ring groi kông, tơ ring hơ tăih hơ tŏ păng achon đak dơ sĭ jăl jang 2021-2025. Tơ drong jang hlôi tơ lĕch ăn 1,2 trong vă jang hơ tŏk tơ iung, nhen pơ jing tơ drong jang hơ tŏk tơ iung mơ dro sa kiơ̆ trong mơ dro sa lơ̆m xăh, thị trấn; khŭl jang tĕch mơ dro kiơ̆ tơ drong jang tơ mam choh jang sa đei, tơ mam choh jang sa lăp hăm tơ drong mŭk drăm - tơ pôl tơ ring groi kông; hơ tŏk tơ iung kơ chơ tĕch tơ mam đơ̆ng choh jang sa tơ̆ tơ ring pơm tơ lĕch akŏm; pơ trŭt hơ tŏk tơ iung rim kơ loăi mơ dro sa kơ dih, ŭnh hnam tĕch mơ dro. Tơ drong Thủ tướng teh đak kĭ ăn tơ drong jang hơ tŏk tơ iung mơ dro sa tơ ring groi kông, tơ ring hơ tăih hơ tŏ păng achon đak dơ sĭ jăl jang 2021 -2025 ‘noh jĭ tôch kơ kăl, tơ ƀôh tơ drong bơ ngơ̆t truh đơ̆ng Đảng păng Khŭl kơ dră teh đak hăm tơ ring mơ mat tat âu.

Thuem: Tơ blơ̆