VOV4.Bahnar - Ƀlep lơ̆m Khei iung jang kơ yuơ hơ iŏh sơnăm 2021, Thủ tướng Tĕh đak kĭ Tơdrong Tơchơ̆t kơsô̆ 830, năr 01/6/2021, kĭ pơkăp Tơdrong jang tĕh đak vei lăng hơ iŏh lơ̆m mạng, tơchăr pơchĕh lơ̆m mạng jăl sơnăm 2021-2025. ‘Nau ‘măng mă blŭng Việt Nam tơlĕch minh tơdrong jang lơ̆m tĕh đak kơ dĭh găh tơdrong vei lăng năng tông hơ iŏh lơ̆m mạng. Tơdrong jang đei  "tơdrong jang ting ring” ‘nŏh: Vei lăng năng tông hrĕp tơdrong erĭh sa păng tang găn, hơmet pơ ‘lơ̆ng rim tơdrong pơm pơrăm đe hơ iŏh lơ̆m mạng, lơ̆m au mă kăl lăng trŭh tơdrong pơtho tơbăt ăn hơ iŏh băt hơdăh tôm tơdrong ‘lơ̆ng kơnê̆ lơ̆m mạng vă hơ iŏh băt vei lăng năng tông kơ dĭh mư̆h plôih lăng lơ̆m mạng. Tơdrong jang mă ƀar, tơdrong jang vei kơ jăp mạng ‘lơ̆ng hơ iă, pơjing đei lơ tơdrong kơtơ̆ng ang au to ‘lơ̆ng hơ iă, dôm tơmam ư̆ng yŭng Việt ăn hơ iŏh hŏk pơhrrăm, chă lăng ‘lơ̆ng hơ iă.

Tơblơ̆ nơ̆r: Amazưt