VOV4.Bahnar - Thủ tướng Tĕh đak kĭ Tơdrong tơchơ̆t kơsô̆ 09/NQ-CP năr 18/5/2021 găh tơdrong răt vaccine tang găn jĭ Covid-19. Lơ̆m Tơdrong tơchơ̆t, Khŭl kơdră tĕh đak pơjao ăn Dơnŏ anĭh tơm vei lăng jang pơgang tĕnh koang pơgơ̆r jang kiơ̆ răt vaccine tĕnh koăng hlŏh vă gơ̆h tơlĕch ƀet vaccine ăn lơ kon pơlei. Hơdrol kơ ‘nŏh, Thủ tướng Tĕh đak Phạm Minh Chính lơ ‘măng pơma hơdăh, tơ̆ hơnăp đei tơdrong hle kơ jĭ hơbŭh, bơ̆ jang tang găn jĭ kăl hơnơ̆ng tơplĭh trong ‘nao, trŏ ƀlep, jơnei ƀar păh tang găn hơlau păng tơ jră, jang kiơ̆ jơnei trong jang kăl “5K+vaccine”. Khŭl kơdră tĕh đak pơjao ăn Dơnŏ anĭh tơm vei lăng jang pơgang tĕnh koang pơgơ̆r jang kiơ̆ răt vaccine tĕnh koăng hlŏh vă gơ̆h tơlĕch ƀet vaccine ăn lơ kon pơlei. Kơtơ̆ng ang au đơ̆ng Ƀăo điên tư tĕh đak chĭh. Thủ tpướng athei jang kiơ̆ kơ jăp trong jang vaccine, mă hơdăh atŏk kơtang năm răt vaccine đơ̆ng tĕh đak đe ƀlep hăm nơ̆r pơrô̆ jang đơ̆ng Thủ tướng tĕh đak; sơng iŏk kmăi kmŏk pơm tơlĕch, atŏk kơtang jang chă tơchĕng păng pơm tơlĕch vaccine lơ̆m tĕh đak; pơgơ̆r ƀet bơ̆ng jơnei, iung jang tang găn hơlau đei tơdrong ư̆hj kơ lăp păng tơl hơdăh tơdăh đei tơdrong ư̆h kơ ‘lơ̆ng. 

Tơblơ̆ nơ̆r: Amazưt