VOV4.Bahnar-/ Pơ gê brei, ‘năr 5-5 tơ\ an^h jang kơ khu\l kơ dră te\h đak, Thủ tướng Nguyễn Tấn Dũng hlôi sơng kơ dră an^h tơm vei lăng găh mơ dro sa, Kơ măy kơ mo\k păng U|nh hơ yu\h Hàn Quốc Yoon Sang-jick. Hôn bơ nê kơ dră tơm Yoon Sang-jick năm tơ mang, bơ\ jang păng k^ pơ kăp Tơ drong tơ chơ\t mơ dro sa hiôk hian Việt Nam-Hàn Quốc, Thủ tướng Nguyễn Tấn Dũng pơ ma hơ dăh, hăm tơ drong hơ drin đơ\ng pơ đ^ 2 pang, Tơ drong tơ chơ\t mơ dro sa hiôk hian Việt Nam-Hàn Quốc đei k^ pơ kăp gô jing 1 tơ drong ‘lơ\ng ‘nao pơ tru\t pran kơ tang hlo\h dơ\ng tơ drong pơ vei jang hơ dai kơ 2 te\h đak lơ\m rim tơ drong jang, mă loi ‘no\h j^ mu\k drăm, mơ dro sa, tơ mơ\t jên jang, tơ mang lăng... Pơ ma hơ dăh tơ mam drăm, tơ drong đei yua ‘lơ\ng jang hơ dai đơ\ng Việt Nam-Hàn Quốc oei tôch kơ t^h, Thủ tướng Nguyễn Tấn Dũng pơ ma hơ dăh, Khu\l kơ dră te\h đak Việt Nam tôch kơ lăng kăl păng ‘me\h vă ku\m hăm găh te\h đak Hàn Quốc hơ drin hơ nhăk tơ drong pơ vei 2 te\h đak roi ‘năr roi ‘lơ\ng, io\k yua jơ nei yua kơ tơ drong đei yua păng yua kơ tơ drong hơ to\k tơ iung atu\m kơ pơ đ^ 2 te\h đak. Thủ tướng ku\m pơ ma hơ dăh, tơ drong k^ pơ kăp Tơ drong tơ chơ\t mơ dro sa hiôk hian Việt Nam-Hàn Quốc ‘nao lăp jing hơ yak blu\ng, tơ drong g^t kăl hlo\h ‘no\h j^ 2 păh đ^ jơ hngơ\m jang hơ dai vă kơ lơ\m kơ plăh bơ\ jang kiơ\ tơ drong tơ chơ\t đei hiôk hian păng ‘lơ\ng. Thủ tướng ‘me\h vă 2 te\h đak jang hơ dai kơ jăp lơ\m pơ tru\t tơ drong jang pơ gar ơng hăm kơ măy kơ mo\k tơ\ Cần Thơ.

Thuem tơ blơ\