VOV4.Bahnar - Kơsơ̆ năr 18/8, Thủ tướng Tĕh đak Phạm Minh Chính hlôi đei jơ bơ̆ jang hăm Dơnŏ anĭh pơrô̆ pơrôp Trung ương. Tang măt ăn Khŭl Kơdră tĕh đak, Thủ tướng bơnê kơ Dơnŏ anĭh Pơrô̆ pơrôp Trung ương, MTTQ rim hơnĭh, rim khŭl jang chĭnh trĭ tơpôl hlôi hơdrin đĭ jơhngơ̆m lơ̆m khei năr au ki lơ̆m bơ̆ jang tang găn jĭ.

Rup hop akŏm

Lơ̆m ‘măng tang găn jĭ hơbuh, Dơnŏ anĭh Pơrô̆ pơrôp Trung ương, MTTQ rim hơnĭh, rim khŭl jang chĭnh trĭ tơpôl hlôi hơdrin tôch kơtang, kơchăng kơtang, lăng jơhngơ̆m jăn kơ kon pơlei ‘nŏh kăl hlŏh. Bơ̆ jang pơrô̆ pơrôp lơ̆m hơnĭh bơ̆ jang tĕh đak hlôi jang kiơ̆ kơ jăp nơ̆r pơrô̆ jang đơ̆ng Đảng, Tĕh đak, tơgop lơ̆m tơdrong tơplĭh kơtang găh bơ̆ jang pơrô̆ pơrôp. Thủ tướng athei, bơ̆n hlôi hơdrin bơih ‘nŏh hơdrin kơtang hlŏh dơ̆ng, tơgoăt mĭnh ƀơ̆r đon hlŏh dơ̆ng, hơdrin bơih ‘nŏh hơdrin hlŏh dơ̆ng vă hơnhăk tĕh đak vĭh hơlơ̆k hiôk hian đêl so dơ̆ng, atŏk tơ iung mŭk drăm-tơpôl, tơgop lơ̆m jang kiơ̆ keh đang Tơdrong tơchơ̆t Pơm lêh hop akŏm ‘măng mă XIII kơ Đảng.

Tơblơ̆ nơ̆r: Amazưt