VOV4.Bahnar – Lơ̆m tơdrong pơma điê̆n thoăi hăm ƀok Tedros Adhanom Ghebreyesus, Kơdră dơnơm kơ Anih jang Y tê̆ apŭng plenh teh (WHO) ăh kơsơ̆ 'năr brei 24/6, Thủ tướng teh đak bơ̆n Phạm Minh Chính pơtruh nơ̆r hmach bơnê kơ tơdrong tơbôl jang hadoi păng dôm tơdrong adrin kăp gĭt đơ̆ng  WHO hăm tơdrong hơtŏk tơ iung kơ anih jang y tê̆ Việt Nam lơ̆m prăt 45 xơnăm kơ âu.

Hăm tơdrong mă pơrang jĭ hơbuh hli tơ̆ minh ƀar dêh char plei tơm kơ Việt Nam dang ei yuơ đơ̆ng tơplih yŏng 'nao, Thủ tướng pơkăl WHO tơgŭm păng axong ăn Việt Nam dăh hrôih iŏk đei vaccine đơ̆ng anih jang COVAX nhen hlôi pơkăp, xơkơ̆t gô tơlĕch ƀet bơ̆ng jĭ tơnăp păng xơđơ̆ng. Atŭm hăm noh, Thủ tướng duh pơkăl WHO tơgŭm ăn Việt Nam jing minh lơ̆m dôm anih tơm pơm tơlĕch vaccine ăn tơring pơmơ̆t Thái Bình Dương; ră hơdăh tơdrong hơbĕch đơ̆ng anih jang y tê̆ Việt Nam duh nhen tơdrong pran kơ minh ƀar anih jang mŭk drăm Việt Nam gơh pơm tơlĕch vaccine trŏ ƀlep hăm tơchơ̆t apŭng plenh teh. Thủ tướng bơnê kơ tơdrong pơkăl đơ̆ng ƀok Kơdră Tedros găh tơdrong axong bơngai juăt jang đơ̆ng WHO tơgŭm Việt Nam lơ̆m tơdrong jang âu.

Lan chih păng pơre nơ̆r