VOV4.Bahnar -  Kơsơ̆ năr 12/5, Thủ tướng Tĕh đak Phạm Minh Chính hlôi krao điên thoăi pơma dơnŭh hăm Thủ tướng Thái Lan Prayut Chan-o-cha. Thủ tướng Phạm Minh Chính sơkơ̆t hơdăh drơ̆ng nơ̆r jang hơdoi kơ jăp hăm Thủ tướng Prayut Chan-o-cha vă hơnhăk tơdrong tơgoăt tơgoăl “Jang hơdoi gĭt kăl Việt Nam-Thái Lan” roi năr roi kơtang hlŏh dơ̆ng, jơnei hloi dơ̆ng păng tơpă hlŏh dơ̆ng.

Pơma dơnŭh dĭh băl hơdăh găh jang hơdoi dĭh băl ƀar tĕh đak, ƀar Thủ tướng athei rim hơnĭh bơ̆ jang iung jang hơdoi pơgơ̆r ‘lơ̆ng rim tơdrong jang tơbăt 45 sơnăm năr pơjing tơbôl Việt Nam-Thái Lan lơ̆m sơnăm 2021, sơđơ̆ng tơpă, vĕh ver pơm pơ gia; vei kơ jăp păng iung jang kiơ̆ jơnei rim trong pơkăp jang hơdoi dĭh băl. Găh tơdrong lơ̆m tơring păng lơ̆m apŭng plĕnh tĕh, ƀar Thủ tướng drơ̆ng mĭnh nơ̆r atŏk kơtang jang hơdoi kơ jăp păng tơgum dĭh băl tơ̆ rim trong jang lơ pang nhen Liên Hợp Quốc, ASEAN, APEC, atŏk kơtang tơgoăt dĭl băl trong nơnăm, adoi nhen pơtrŭt atŏk tơ iung kơ jăp tơ̆ Tơring iĕ Mekong.

Tơblơ̆ nơ̆r: Amazưt