VOV4.Bahnar  – Ƀơ̆t 'Năr bơngai jang mŭk drăm Việt Nam (13/10), Thủ tướng teh đak Phạm Minh Chính 'nao pơtruh kơthơ thơ thâu ăn khul jang mŭk drăm lơ̆m jâ̆p teh đak. Lơ̆m kơthơ, Thủ tướng tơbang tơdrong hlôh vao, tơmơ̆ng păng gô pơtoi đei trong jang vă tơgŭm ăn dôm bơngai jang mŭk drăm găn hloh tơnap tap, hơtŏk hloh păng tŏk bŏk oei pơjing Tơdrong jang hơmet hơtŏk mŭk drăm – tơpôl, xơđơ̆ng, hơbĕch hơbal, kĕ tang găn păng hơmet pơrang jĭ COVID-19 đei jơnei tơnăp. Atŭm hăm noh, tơlĕch dôm trong jang y tê̆ khoa hŏk hloh, xơđơ̆ng trŏ ƀlep hloh, mă hăt noh Trong pơkăp vaccine, tơgŭm anih jang mŭk drăm, bơngai jang mŭk drăm tenh kuăng đei hơmet pơm jang, tĕch pơdro, hơ 'nhăk tơdrong erih xơđơ̆ng nhen adrol ki. Khul kơpal teh đak păng dôm anih jang kơpal gô hơtŏk pran trong pơm jang, pơklaih tơnap tap, tơhlăk tơhlĭn, hơvơn jơhngơ̆m jang, hơmet hla bar hanh chĭnh... pơjing trong jang tĕch pơdro hiôk hian, hơtŏ hơnơ̆ng vă anih jang mŭk drăm hơtŏk tơ iung păng jang hadoi lơ̆m kơpal teh. Ƀơ̆t 'măng âu, Khul kơpal teh đak păng Kon pơlei Việt Nam duh băt hơdăh tơdrong tơgŭm, yak hadoi đơ̆ng dôm bơngai jang mŭk drăm teh đak đe hlôi tơgop ăn tơdrong hơtŏk tơ iung mŭk drăm Việt Nam duh nhen lơ̆m tang găn păng tơjră pơrang jĭ.

Lan chih păng pơre nơ̆r