VOV4.Bahnar - Gơmăng năr 22/11, Thủ tướng Tĕh đak Phạm Minh Chính hăm Khŭl kơdră tang măt Việt Nam trŭh tơ̆ Tokyo, iung năm tơmang Tĕh đak Nhật Bản kiơ̆ nơ̆r krao hơvơn đơ̆ng Thủ tướng Nhật Bản Kashida Fumio. Kiơ̆ trong iung năm tơmang au, Thủ tướng Phạm Minh Chính gô pơma đam hăm Thủ tướng Nhật Bản Kashida Fumio; vang năm pơm lê̆h kĭ pơkăp păng pôk ăn hla bơar kăl jang hơdoi; pơma dơnŭh hăm Kơdră chĕp pơgơ̆r Thượng viện Nhật VBản Santo Akiko; Kơdră chĕp pơgơ̆r Hạ viện Hosoda Hiroyki. Ƀlep lơ̆m ‘măng năm tơmang, Thủ tướng Phạm Minh Chính jei sơng pơma dơnŭh hăm rim khŭl jang chĭnh trĭ tơpôl Nhật Bản; Thủ tướng so Nhật Bản Shinzo Abe; vang năm rim ‘măng Hop akŏm Hơnĭh mơdro sa ƀar păh, Hop akŏm Pơtrŭt tơmơt jên jang, Hop akŏm jang hơdoi ƀar păh rim tơring; sơng pơma dơnŭh hăm khŭl jang mŭk drăm tơm kơ Nhật Bản. Thủ tướng jei gô tơ ƀơ̆p pơma dơnŭh hăm kang ƀô̆, bơngai jang lơ̆m Dơnŏ anĭh tang măt tĕh đak Việt Nam, kon pơlei Việt Nam hŏk pơhrăm, erĭh sa păng jang sa tơ̆ Nhật Bản.

Tơblơ̆ nơ̆r: Amazưt