VOV4.Bahnar  – Năr 25/8/2021, tơ̆ anih jang Khul kơpal teh đak, Thủ tướng teh đak bơ̆n Phạm Minh Chính hlôi xơng Phŏ Kơdră teh đak Hoa Kỳ Kamala Harris tŏk bŏk oei tơmang tơ̆ Việt Nam. Tơ̆ jơ tơjrâ̆m, pơma dơnuh găh dôm trong jang hơdăh vă hơtŏk jang hadoi ƀar păh,  Thủ tướng Phạm Minh Chính ră hơdăh Việt Nam lăng mŭk drăm – tĕch pơdro jing tơdrong tơm păng jơhngơ̆m pran lơ̆m tơbôl Việt Nam – Hoa Kỳ; pơkăl ƀar păh pơtoi hơtŏk jang hadoi lơ̆m Tơchơ̆t jang hadoi găh Tĕch pơdro păng axong jang (TIFA), atŭm hăm noh hơlen lăng pơkăp jang hadoi – tĕch pơdro 'nao vă hơtŏk hloh jang hadoi tĕch pơdro hiôk hian, xơđơ̆ng. Tơroi kơ dôm nơ̆r tơgop đơ̆ng Thủ tướng teh đak Phạm Minh Chính, Phŏ Kơdră teh đak Kamala Harris bơnê kơ dôm tơdrong adrin đơ̆ng Khul kơpal teh đak Việt Nam lơ̆m tơdrong hơlen păng tơjră hăm pơrang jĭ hli COVID-19, xơkơ̆t Hoa Kỳ gô pơtoi tơgŭm tơnăp vă Việt Nam tơjră đei jơnei hăm pơrang jĭ COVID-19 păng dôm pơrang jĭ hơbuh lơ̆m khei năr anô̆ anăp kơnh, pơtoi ưh đei pơdơh tơdrong tơgŭm lơ̆m kơpal teh. Phŏ Kơdră teh đak Hoa Kỳ pơtoi tơgŭm Việt Nam 1 trĭu kơliu vaccine Pfizer păng gô pơtruh  ăn Việt Nam lơ̆m 24 jơ truh.

Lan chih păng pơre nơ̆r