VOV4.Bahnar -Thủ tướng Teh đak Phạm Minh Chính hlôi đei jơ pơ ma dơ nuh hăm Kơ dră Kuôk hô̆i teh đak Cộng hòa dân chủ nhân dân Lào Saysomphone Phomvihane tŏk bŏk năm tơ mang tơ̆ Việt Nam. Thủ tướng Phạm Minh Chính păng Kơ dră Kuôk hô̆i Lào Saysomphone Phomvihane lăng ‘lơ̆ng tơ drong jang hơ dai đei yua đơ̆ng Việt Nam-Lào lơ̆m tơ jră hăm jĭ Covid-19 khei ‘năr âu ki. Găh trong jang hơ dai đơ̆ng 2 teh đak tơ̆ hơ năp kơnh, Thủ tướng Teh đak Phạm Minh Chính păng Kơ dră Kuôk hô̆i Lào drơ̆ng nơ̆r 2 păh hơ nơ̆ng jang hơ dai kơ jăp tơ lĕch jang đei yua dôm tơ drong drơ̆ng nơ̆r kơ dră kơ pal, kŭm nhen hơ met ăn tơ drong tơm ăn ‘Măng hop akŏm mă 44 Anih jang kơ 2 teh đak Việt Nam - Lào vă jê̆ truh; hơ nơ̆ng jang hơ dai kơ jăp lơ̆m tang găn jĭ Covid-19; hơ tŏk loi dơ̆ng jang hơ dai vei sơ đơ̆ng teh đak; tŭn pran, hơ tŏk trong jang hơ dai mŭk drăm, mơ dro sa păng tơ mơ̆t jên jang vă tơ găl hăm tơ drong pơ vei gĭt kăl đơ̆ng 2 teh đak.

Thuem: Tơ blơ̆