VOV4.Bahnar - Thủ tướng Tĕh đak hlôi pơjing Tơdrong tơchơ̆t kơsô̆ 1163/QĐ-TTg Kĭ tơchơ̆t Trong jang kăl atŏk tơ iung mơdro sa lơ̆m tĕh đak trŭh sơnăm 2030, lăng trŭh sơnăm 2045. Tơdrong tơm lơ̆m Trong jang kăl ‘nŏh “Atŏk tơ iung mơdro sa lơ̆m tĕh đak gơ̆h hơgei, ‘lơ̆ng hơ iă, tŏk tĕnh păng kơ jăp, jing tơnŏl dŏl kơ jăp, hơnĭh gơnang kơ jăp ăn chŏh jang sa lơ̆m tĕh đak roi năr roi tơplĭh ‘nao, atŏk tơ iung; Tơ iung pơjing hơnăn tơmam drăm Việt Nam, vei lăng tơdrong đei iŏk yua hơ iă ăn bơngai răt yua, hơnĭh pơm tơlĕch, tĕch mơdro lơ̆m tĕh đak păng kơ tơdrong jang mŭk drăm, ƀlep hăm tơdrong ‘mĕh vă roi năr roi kơtang găh atok tơ iung mŭk drăm-tơpôl, pơjing hơyak kơ jăp vă vang mơ̆t kơtang hlŏh dơ̆ng lơ̆m tơdrong jang mŭk drăm lơ̆m tơring păng apŭng plĕnh tĕh”. Trong tơlĕch jang hơdăh jăl jang 2021 - 2030: Atŏk mơdro sa iŏk đei lơ̆m tĕh đak jơnei dang 9 - 9,5%/sơnăm, trŭh sơnăm 2030 tơgop dang 15 - 15,5% lơ̆m GDP kơ lơ̆m tĕh đak; mơdro sa điên tư iŏk đei dang 10,5 - 11% akŏp tĕch mơdro tơmam drăm păng iŏk đei đơ̆ng tĕch mơdro tơmam drăm iŏk yua kơ ‘năr, iŏk đei tŏk jô̆ hơtŏ dang 20 - 21%/sơnăm.

Tơblơ̆ nơ̆r: Amazưt