VV4.Băhnar - Năr 30/7, Thủ tướng Tĕh đak Phạm Minh Chính pơm tơm hop akŏm trư̆k tuyên Khŭl kơdră tĕh đak hăm rim tơring găh tơdrong tang găn jĭ Covid-19 păng trong tơlĕch jang kiơ̆ rim tơdrong jang đei Kuô̆k hô̆i jăl XV Tơchơ̆t tơ̆ ‘Măng hop akŏm mă blŭng đei ƀơm trŭh bơ̆ jang tang găn jĭ Covid-19. Thủ tướng Tĕh đak Phạm Minh Chính tơbăt, ‘măng jĭ hơbŭh Covid-19 ‘măng mă 4 au hlôi yak hlŏh 100 năr; tơdrong jĭ tơpŏh oei hơnơ̆ng kơtang, mă kăl tơ̆ pơlei tơm Hồ Chí Minh, mĭnh ƀar tơring găh pơbăh păng tơring Tŏk bŏk. Khei năr au ki, atŭm hăm tơdrong chĕp pơgơ̆r, pơrô̆ jang đơ̆ng Đảng, Kuô̆k hô̆i hlôi iung jang kơtang hăm “ ‘măng iung tơ jră, tang găn jĭ Covid-19”. Thủ tướng Tĕh đak athei rim kơdră tang măt vang năm Hop akŏm akŏm chă pơma dơnŭh găh tang găn hơlau, tơ jră tang găn jĭ Covid-19, vă iŏk đơ̆ng nŏh, Khŭl kơdră Tĕh đak đei Tơdrong tơchơ̆t kơ Khŭl kơdră tĕh đak găh tơdrong jang kiơ̆ gĭt kăl tang găn jĭ hơbŭh Covid-19.

Tơblơ̆ nơ̆r: Amazưt