VOV4.Bahnar - Kơ sơ\ ‘năr 17/1, tơ\ an^h jang kơ khu\l kơ dră te\h đak, Thủ tướng Nguyễn Xuân Phúc sơng khu\l rim giáo sư hnam trưng Havard Kennedy (Mi) năm tơ mang tơ\ Việt Nam. ‘Nâu j^ hnam trưng găh hnam trưng Đại học Havard Kennedy, io\k jang tơ drong jang pơ tho pơ hrăm đơ\ng ro\ng kơ ho\k đang đại học hăm rim tơ drong jang hành chính kơ te\h đak, trong jang tơ gu\m kơ te\h đak păng rim tơ drong jang [ơm tru\h hơ to\k tơ iung apu\ng ple\nh te\h.

Tơ\ jơ sơng, Thủ tướng Nguyễn Xuân Phúc tơ roi hơ dăh, tơ drong jang hơ dai đơ\ng hnam trưng hăm Việt Nam tôch kơ đei yua, mă loi ‘no\h j^ Tơ drong jang che\p kơ\l vei lăng g^t kăl (VELP) ăn kơ Việt Nam, kiơ\ đơ\ng no\h tơ gu\m Việt Nam tơ pl^h đơ\ng mu\k drăm tơ le\ch trong jang jing mu\k drăm te\ch mơ dro. Thủ tướng lăng ‘lơ\ng tơ drong jang pơ tho pơ hrăm, tơ roi tơ băt đơ\ng hnam trưng ăn kơ Việt Nam.

Thủ tướng Nguyễn Xuân Phúc pơ ma hơ dăh, tơ drong pơ vei jang hơ dai tôm tơ drong Việt Nam – Mi hơ nơ\ng hơ to\k tơ iung ‘lơ\ng păng đei yua lơ\m đ^ đăng rim tơ drong jang, tơ\ hơ năp kơnh, Thủ tướng athei hnam trưng Havard Kennedy tơ\ hơ năp kơnh hơ met pơ gơ\r tơ drong jang VELP hăm tơ drong pơm lơ tơ drong hơ iă, ‘lơ\ng păng tơ gop lơ\m tơ drong pơ tho bơ ngai jang hơ dai kơ Việt Nam ku\m nhen pơ tru\t ako\m tơ drong pơ vei Việt Nam - Mi.

Thuem: Tơ blơ\