VOV4.Bahnar - Tơ\ jơ sơng yă Carolyn Turk, Kơ dră che\p kơ\l An^h mong jên apu\ng plenh te\h (WB) tơ\ Việt Nam (kơ sơ\ 21/10), Thủ tướng Nguyễn Xuân Phúc pơ ma hơ dăh, Việt Nam đei năng hlôi io\k yoa jên tơ gu\m đơ\ng WB tôch ‘lơ\ng, vă rim tơ drong jang hlôi tôch tơ\ Việt Nam dơ\ng kơ jung ngăl. Mă lei, tơ je# âu, tơ drong tơ le\ch jên ODA pơ ma atu\m oei to\ se\t.

Thủ tướng sơng Kơ dră che\p kơ\l An^h mong jên apu\ng plenh te\h tơ\ Việt Nam

Hơ iă  hăm yă Carolyn Turk io\k jang kơ chư\k Kơ dră che\p kơ\l WB tơ\ Việt Nam, Thủ tướng lui hăm tơ drong jang jang đunh đơ\ng kơ dih, yă vă hơ nơ\ng tơ iung dơ\ng tơ drong jơ nei pơ tăl dơ\ng đơ\ng bơ ngai jang adrol ki; lui lơ\m jăl jang, tơ drong pơ vei WB păng Việt Nam gô to\k pran hlo\h dơ\ng. Thủ tướng hôn bơ nê WB đei tơ drong pơ che\h tơ gu\m ăn dôm te\h đak tang găn j^ Covid-19, mă loi j^ WB hlôi tơ gu\m đe\ch ăn Việt Nam kơ so# jên 6,2 triu USD hlôi đei k^ io\k [ât hơ tuch khei 7 âu ki.

Dơ\ng: Tơ blơ\