VOV4.Bahnar - Pơgê năr 15/11, Thủ tướng Tĕh đak Phạm Minh Chính vang năm Năr pơm lê̆h Tơgoăt tơgoăl rim hơdrĕch hơdrung tơ̆ tơring Trường Hà, apŭng Hà Quảng, dêh char Cao Bằng.

Thủ tướng Phạm Minh Chính vang năm Năr pơm lêh Tơgoăt tơgoăl đĭ đăng hwodrĕch hơdrung tơ̆ Cao Bằng

Iung pơma tơ̆ năr pơm lê̆h, Thủ tướng pơma hơdăh, lơ̆m 19 sơnăm au ki, tơdrong pơgơ̆r Năr pơm lê̆h tơgoăt tơgoăl rim hơdrĕch hơdrung hlôi jing tơdrong joăt ‘lơ̆ng hơ iă tơ̆ đĭ đăng pơlei pơla, lơ̆m au đei pơlei Pác Bó, Nặm Lìn păng Nà Lẹng, tơring Trường Hà. Tang măt ăn kơdră chĕp pơgơ̆r Đảng, Tĕh đak, Thủ tướng hôn bơnê dôm tơdrong jơnei mă apŭng, tơring, koeng ƀôt kơ 3 pơlei hlôi iŏk đei lơ̆m khei năr au ki păng ‘mĕh vă tơring hơnơ̆ng hơmet pơ ‘lơ̆ng dôm tơdrong tim mă jang keh đang, adoi atŏk kơtang jơhngơ̆m đon tơgoăt tơgoăl hơdrĕch hơdrung vă yak hlŏh tơnap tap, atŏk tơ iung hăm tơpang ti, kơ̆l ‘ngok kơ dĭh, lơ̆m groi tĕh kơ dĭh, đei hơmet pơ ‘lơ̆ng kơ yuơ chăl sơnăm joăt joe hlôi chĭh tơmơ̆t lơ̆m chăl sơnăm kơ hơdrĕch hơdrung vă hơdrin tơ iung pơjing pơlei pơla, tĕh đak roi năr roi pơdrŏng ‘lơ̆ng liĕm, kon pơlei roi năr roi phĭ tơtŏ dơnŏ ‘lơ̆ng dơ̆ng kơ jăp.

Tơblơ̆ nơ̆r: Amazưt