VOV4.Bahnar - Pơgê năr 22/9, tơ̆ Hà Nội, ƀok Phạm Minh Chính, Kơdră jang lơ̆m Dơnŏ anĭh tơm Chĭnh trĭ, Thủ tướng tĕh đak hlôi vang năm Pơm lê̆h mơ̆t hŏk sơnăm hŏk 2021-2022 kơ Học viện Quốc phòng (Dơnŏ anĭh tơm Ƀô̆ đô̆i vei lăng sơlam tĕh đak). Sơnăm hŏk 2021 - 2022, Hnam trương au akŏm atŏk kơtang jang ‘lơ̆ng pơtho pơhrăm, chă tơchĕng khoa hŏk, akŏm tơplĭh ‘nao kơtang hlŏh dơ̆ng trong pơtho pơhrăm ƀlep hăm chăl pơtho pơhrăm gơ̆h hơgei, tơ klep trong pơhrăm hăm jang hloi; pơm kiơ̆ kơ jăp rim tơdrong tơchơ̆t, trong pơkăp lơ̆m hŏk pơhrăm, pơlong, hơlen tơdrong pơlong; jang kiơ̆ kơtang”3 tơdrong tơpă”; tang găn kơtang jơhngơ̆m đon pơtho ư̆h tơnăp, drŭh kiơ̆ trong hôn bơnê lơ̆m pơtho pơhrăm, hŏk pơhrăm, bơ̆ jang. Thủ tướng Tĕh đak Phạm Minh Chính iung pơma pơkă: Sơnăm hŏk 2021-2022, Học viện Quốc phòng kăl băt hơdăh păng tơdra hơdrol, hơlen kơ jăp tơdrong đei ƀô̆h hle kơ pơrang jĭ; kăl “pơjing hơyak pran kơtang lơ̆m tơplĭh ‘nao pơtho pơhrăm, pơjing khŭl bơ̆ jang hơgei, hơvơn păng tơmơ̆t dôm bơngai hơgei”. Tơ iung pơjing, tơlĕch jang trong pơ prŏ jang pơtho pơhrăm hơ iă, lăp hăm dôm tơdrong đei ƀô̆h pơrang jĭ vă jang keh đang trong tơlĕch jang kơ rim tơdrong jang păng ‘lơ̆ng hơ iă lơ̆m pơtho pơhrăm.

Tơblơ̆ nơ̆r: Amazưt