VOV4.Bahnar - Tơ̆ Hnam joh hơ ri tih Hà Nội ‘nao pơ gơ̆r lêh pôk hơ păh tơ mam teh đak găh tơ drong kơ tơ̆ng ang jang tơ bôl ‘măng mă VII.  Pơ ma tơ̆ jơ pơm lêh, Thủ tướng Teh đak Phạm Minh Chính pơ ma hơ dăh: “Tơ drong kơ tơ̆ng ang jang tơ bôl đei hơ năp jang tôch kơ gĭt kăl, pơm ăn tơ pôl apŭng plĕnh teh hlôh hơ dăh trong jang đơ̆ng Đảng, tơ drong jang tơ gŭm, khôi luơ̆t đơ̆ng Teh đak; vang tơ gŭm tơ drong jang đơ̆ng Việt Nam hăm dôm tơ drong tơ ring păng apŭng plĕnh teh; roi tơ ƀôh um rup teh đak, kon bơ ngai, jơ hnơr arih, joh ayŏ kơ hơ drĕch hơ drŭng păng dôm jơ nei hơ tŏk tơ iung kơ teh đak bơ̆n”.

Thủ tướng hơ păh tơ mam teh đak găh tơ drong kơ tơ̆ng ang jang tơ bôl ‘măng mă VII

Kiơ̆ kơ khŭl pơ gơ̆r, dôm ƀai, um rup vang pơ long sơ năm ‘nâu đei tơ drong hơ iă, lơ, đei dôm tơ drong jang, tơ drong kăl lơ̆m sơ năm 2021. Mă hơ dăh, lơ ƀai chih, um rup hlôi đei yua kơ măy kơ mŏk tơ roi tơ băt ‘nao, đei tơ drong kăp gĭt kơ tơ̆ng ang jang tơ bôl, đei păr ang, sơng đei tơ drong bơ ngơ̆t truh đơ̆ng tơ pôl lơ̆m păng ‘ngoăih teh đak.

Thuem: Tơ blơ̆