VOV4.Bahnar  – Ƀơ̆t truh tơmang păng bơ̆ jang hăm dêh char Cao Bằng, băn akŏm 'Năr Tơguăt tơguăl tôm kon pơlei, Thủ tướng Phạm Minh Chính hlôi truh apong păng pơma dơnuh hăm kang ƀô̆, khul linh păng kon pơlei apŭng Trùng Khánh, Cao Bằng. 

Thủ tướng ră hơdăh: mă Trùng Khánh jing minh apŭng groi kông, tơring xơlam teh ataih yaih, tơdrong erih oei lơ tơnap tap, mă lei hăm tơdrong pơgơ̆r đơ̆ng Đảng ƀô̆, jơnŭm pơgơ̆r tơring, păng tơdrong adrin hơtŏk tơ iung đơ̆ng kon pơlei, tơdrong jang mŭk drăm tơpôl hlôi đei jơnei hơ iă tơgăl kơ pôk bơnê. Thủ tướng pơkăl apŭng Trùng Khánh pơtoi băt hơdăh, pơm kiơ̆ tơnăp, đei jơnei Tơchơ̆t Hop akŏm 13 kơ Đảng, Tơchơ̆t Hop akŏm Đảng ƀô̆ dêh char 'măng mă 19, Tơchơ̆t kơ Đảng ƀô̆ apŭng 'măng mă 20 găh hơtŏk mŭk drăm tơpôl, vei xơđơ̆ng tơpôl teh đak, jangt ơbôl păng pơjing tơdrong jang chĭnh trĭ xơđơ̆ng.

Lan chih păng pơre nơ̆r