VOV4.Bahnar - Hơ nơ\ng tơ drong jang bơ\ jang tơ\ Hải Phòng, kơ sơ\ brei, 10/5, Thủ tướng Nguyễn Xuân Phúc pơ gơ\r ku\m hăm kơ dră che\p kơ\l 1,2 an^h tơm, an^h jang bơ\ jang hăm kơ dră che\p kơ\l dơ nơm pơ lei tơm găh tơ drong jang kiơ\ hơ năp jang hơ to\k tơ iung tơ pôl. Kiơ\ tơ roi tơ băt, 4 khei blu\ng sơ năm ‘nâu, mu\k drăm Hải Phòng to\k dang 15%, thu mong jên jang đei 28 rơ bâu ti hlak jên, to\k hlo\h 2 ‘măng pơ têng hăm khei ‘nâu sơ năm sơ\. Đ^ đăng rim xăh kơ pơ lei tơm jang đang tơ drong jang pơ jing tơ ring tơ rang ‘nao.

Lăng ‘lơ\ng pơ lei tơm Hải Phòng hlôi io\k đei jơ nei hơ iă găh hơ to\k tơ iung mu\k drăm tơ pôl, mă lei Thủ tướng akhan, Hải Phòng athei hơ nơ\ng tơ che\ng hơ len găh tơ drong jang hơ to\k tơ iung đơ\ng pơ lei tơm vă đei lăng tru\h sơ năm 2045, lơ\m no\h hơ năp jang ch^nh tr^ păng ku\m jing trong vă jang hơ to\k tơ iung kơ Hải Phòng ‘no\h jing an^h kơ drơ\m hơ to\k tơ iung kơ tơ ring găh tu.

Thủ tướng tơ roi 1,2 trong jang Hải Phòng kăl kơ jang kiơ\, ‘no\h j^ hơ to\k tơ iung kơ măy kơ mo\k păng te\ch mơ dro sa kơ măy kơ mo\k, jing 1 lơ\m dôm pơ lei tơm năm hơ drol hơ to\k tơ iung mu\k drăm kơ so# tơ\ Việt Nam. Pơ ma hơ dăh Hải Phòng athei đei lăng ‘lơ\ng hlo\h dơ\ng lơ\m hơ to\k tơ iung kơ jăp. Ku\m hăm ‘no\h kăl kơ tơ le\ch tơ drong vei lăng pơ lei tơm lơ\m khei ‘năr pơ jing pơ lei tơm hơ gei păng tơ drong hơ to\k tơ iung t^h hlo\h; athei đei tơ drong hơ met ăn tơ mơ\t jên jang hăm tre\ng lăng hơ tăih hlo\h vă pơm tơ drong ‘lơ\ng sơng tơ mơ\t jên jang hơ to\k tơ iung tơ\ hơ năp kơnh.

Thuem: Tơ blơ\