VOV4.Bahnar - Pơ ma lơ̆m hop akŏm tih ASEAN găh jang hơ doi lơ̆m tơ ring yoa tơ drong jang tŏk jơ̆p jang păng jang tŏk pran kơ jăp pơ gơ̆r pơ gê (30/11) kiơ̆ trong trư̆k tuyê̆n. Thủ tướng Phạm Minh Chính athei jang hơ doi tơ̆ tơ ring tơ̆ hơ năp kơnh akŏm lơ̆m 3 tơ drong tơm yoa tơ drong jang tŏk pran kơ jăp.

Thủ tướng Phạm Minh Chính pơ ma lơ̆m hop akŏm

Pơ ma lơ̆m hop akŏm, Thủ tướng Phạm Minh Chính akhan, tơ guăt ƀơ̆r đon, jang hơ doi păng jang hơ doi kơ jăp đơ̆ng dôm tĕh đak ‘nŏh jĭ tơ drong kăl hlŏh vă gơ̆h jang tŏk jơ̆p jang păng jang tŏk pran kơ jăp. Atŭm hăm ‘nŏh iŏk yoa ‘lơ̆ng dôm tơ dỏng pran oei đei tơ̆ tơ ring pơ jing tơ dỏng hiôk hian ăn tơ drong tĕch mơ dro, tơ mât jên jang đơ̆ng anih tĕch mơ dro păng jang hơ doi đơ̆ng anih jang kơ dih păng anih jang kơ tĕh đak.

Thủ tướng Phạm Minh Chính lui, kiơ̆ đơ̆ng hop akŏm mă blŭng găh jang hơ doi tơ̆ tơ ring âu, gô hơ nơ̆ng vei kơ jăp păng tưk tơ iung hlŏh dơ̆ng tơ drong jang hơ doi păng atŏk tơ iung tơ̆ dôm tơ ring lơ̆m ASEAN tơ̆ hơ năp kơnh, vang bơ̆ jang đei tơ drong pơ jing 1 Tơ pôl ASEAN jang tŏk lei lăi băl, kơ jăp ‘lơ̆ng, tơ gop ăn tơ drong rơ ngei, sơ đơ̆ng jang hơ doi lơ̆m tơ ring păng lơ̆m apŭng plenh tĕh.

Dơ̆ng: Tơ blơ̆