VOV4.Bahnar - ‘Năr brei, 2/5, Thủ tướng Nguyễn Xuân Phúc truh Hop ako\m An^h jang mu\k drăm kơ dih kơ Việt Nam 2019 hăm hơ năn “Ato\k tơ iung an^h jang mu\k drăm kơ dih kơ Việt Nam jing m^nh jơ hngâm pran g^t kăl lơ\m tơ drong jang mu\k drăm chăl ‘nao kiơ\ trong xã hội chủ nghĩa.

Dang 2.500 an^h te\ch mơ dro kơ dih vang truh hơ hop ako\m, pơ ma nuh hăm Khul kơ dră te\h đak, dôm tơ ring kiơ\ jơ hngâm jang hơ dai te\h đak – an^h jang kơ dih, vă hơ met pơ ‘lơ\ng dôm tơ drong oei găn trong tơ drong jang to\k kơ an^h jang mu\k drăm kơ dih vă gơ\h to\k jing m^nh jơ hngâm pran g^t kăl ăn tơ drong jang mu\k drăm.

Hop ako\m đei 6 ‘măng pơ ma nuh, ako\m lơ\m dôm tơ drong g^t kăl, tơ drong tih nhen chă tơ mang lăng, choh jang xa, jang mu\k drăm kơ so#, pơih trong ‘lơ\ng ăn jên tơ mât jang păh lăp păng đunh sơ năm vă jang ato\k tơ iung mu\k drăm.

Lơ\m jơ năr pơ gơ\r hop ako\m mu\k drăm kơ d^h Việt Nam 2019, pơ gơ\r pơ ma dơ nu\h tơ drong jang hăm hơ năn “ Jang pơ ke\h trong jang păng rim tơ drong tơm hơ to\k tơ iung mu\k drăm kơ so# tơ\ Việt Nam”. Lơ\m 10 sơ năm âu ki, mu\k drăm kơ so# Việt Nam hlôi hơ to\k tơ iung ư\h kơ đei pơ dơ\h găh pơ đ^ tơ drong tơm an^h jang kăl păng an^h te\ch mơ dro.

Mu\k drăm kơ so# hơ to\k tơ iung ku\m hăm rim tơ drong đei [o#h ‘nao nhen kơ măy kơ mo\k blockchain, tơ drong tơm kơ so#, kơ măy kơ mo\k tơ roi tơ băt tơ pôl, an^h jang mơ dro sa điện tử, te\ch mơ dro điện tử, rim an^h jang mơ dro sa [ơm tru\h hơ to\k tơ iung phần mềm, tơ mơ\t yua, hơ to\k tơ iung tơ drong tơm kơ so# păng tơ roi tơ băt…

Tơ\ hop ako\m, tang măt an^h jang vei lăng te\h đak păng tang măt tơ ring jang mu\k drăm kơ d^h hlôi pơ ma dơ nu\h, tơ roi băl găh tơ drong yan âu, mơ mat tat, tơ hlăk tơ hl^n, ap^nh rim trong jang tơ gu\m, trong jang pơ tru\t hơ to\k tơ iung mu\k drăm kơ so#.  

Dơ\ng hăm Thuem: Tơ blơ\